Yeye  ni  Mtume  aliyetumwa  kwa   watu wote na yeye ndie Mtume  wa  mwisho na yeye ndio kiongozi wa mitume, amekuja na dini ya uislamu ambayo hatakubali Mwenyezi  Mungu Siku Ya Kiyama dini yeyote isipokuwa uislamu. Yeye amezaliwa katika kabila la Qureysh kabila tukufu katika mji wa Maka. Mtume ametokana katika ukoo wa Ibn Hashimu. Na ukoo huu umeitwa kwa jina hili kutokana na kurithi jina hili kutoka kwa mzee wao Hashim Ibn Abd Manaf. Mtume (s.a.w) alizaliwa siku ya juma tatu katika mweze rabil-awali (mfunguo sita) mwezi tisa (9) kwa mujibu wa wanahistoria katika mwaka wa tembo 571 B.K. baada ya kuzaliwa mama yake alituma mtu aende akatoe habari kwa mzee Abdul al-Muttalib juu ya kuzaliwa kwa mtoto. Kwa furaha kabisa alikuja mzee na akamchukuwa mtoto akambeba na kuelekea nae mbele za al-ka’aba (nymba tukufu ya Allah) kwa kutoa shukrani zake za dhati kwa Mwenyezi Mungu. Kisha akampa jina la Muhammad, jina ambalo halikuwa likijulikana na waarabu.